"Арсенал" бош мураббийи Микель Артетанинг фикрича, унинг жамоаси Англия Премьер-лигасининг сўнгги икки турида ғалаба қозонишга ҳақли эди.
Эслатиб ўтамиз, "канонирлар" кетма-кет уч марта дуранг ўйнашди: аввалига "Ливерпуль" билан, кейин "Вест Хэм" ва "Саутгемптон" билан.
"Биз хатоларимиз учун жуда қаттиқ жазоландик, аммо орқага қараб шуни айтишим мумкинки, биз ҳар иккала ўйинда ҳам ғалаба қозонишга ҳақли эдик. Мен бунга ҳеч қандай шубҳам йўқ" - деди Артета матбуот анжуманида.
АПЛнинг навбатдаги турида "Арсенал" чемпионлик учун курашда бевосита рақиблари бўлган "Манчестер Сити"га қарши майдонга тушади. "Канонирлар" турнир жадвалида рақибларидан 5 очко олдинда, аммо "шаҳарликлар"нинг иккита захира учрашуви бор.
