УЕФА Туриннинг "Ювентус" клубига жиддий жазо тайинлаши мумкин.
La Gazzetta dello Sport нашри хабарига кўра, агар "кекса синьора"нинг сохта капитал қўлга киритишдаги айби исботланса, клуб еврокубоклардан четлатилиши мумкин. Тақиқлаш муддати камида бир йил бўлиши мумкин.
Эслатиб ўтамиз, қишда Турин гигантидан А Сериядаги жараёнлар туфайли 15 очко олиб қўйилган, бироқ апрель ойида очколар "Ювентус"га қайтарилганди. Иш бўйича янги суд жараёни мавсум охиригача қолдирилиши мумкин.
Италия чемпионатининг 31-туридан кейин “кекса синьора” 59 очко жамғариб, турнир жадвалида учинчи ўринда бормоқда.
