"Барселона" "Атлетико Мадрид" билан вингер алмашишни режалаштирмоқда. "Кўк-анорранглилар" Янник Карраскони олиш учун Ферран Торресни Мадрид клубига юбормоқчи. Бу ҳақда инсайдер Ашраф бин Аяд ижтимоий тармоқларда хабар берди.
Эслатиб ўтамиз, Торрес ҳали ҳам "Барселона" раҳбариятида аниқ бир таассурот қолдиргани йўқ, шу сабабли клуб ҳозирда испанияликни сотишни ўйламоқда. Ферран жамоага 2022 йилнинг январида келиб қўшилган эди, у "Манчестер Сити"дан 55 миллион евро эвазига ўтган.
Эътибор беринг, Торрес ҳозир 23 ёшда, Карраско эса сентябрда 30 ёшга тўлади.
