"Насаф" ўтган турда Зарафшонда очко йўқотганидан кейин бугун ўз майдонида "Машъал"ни мағлуб этмаса бўлмасди. Лекин Қашқадарёнинг бошқа бир жамоаси "Машъал"га ҳам очко сув ва ҳаводек зарур эди.
"Насаф" ўтган турда Зарафшонда очко йўқотганидан кейин бугун ўз майдонида "Машъал"ни мағлуб этмаса бўлмасди. Лекин Қашқадарёнинг бошқа бир жамоаси "Машъал"га ҳам очко сув ва ҳаводек зарур эди.
Муборакликларнинг қаршилиги ўйиннинг 40-дақиқасигача етди. Қаршиликлариннг етакчи футболчиси Владимир Шишелов жарима майдончаси ташқарисида тўпни Тўраевга етказди. Кенжа эса ноқулай вазиятда бўлишига қарамай, дарвозани аниқ нишонга олди.
Иккинчи бўлим бошланиши биланоқ, "Насаф" ҳисобни 2:0га етказди. Сербиялик легионер Александр Петрович бурчакдан узатиб берилган тўпни бош билан дарвозага жойлаб қўйди.
Владимир Шишелов бу ўйинни ҳам голсиз тарк этмади. Жиямуродов томонидан узатиб берилган тўпни ҳужумчи бош билан дарвозага жойлаб қўйди.
Ўйин давомида "Машъал" яхши ўйнашга интилди. Аммо маҳоратли бўлган қаршиликлар ҳақли равишда ғалаба қозонишди.
Бугун учала пешқадамлар ғалаба нашидасини суришди. Чемпионат тугашига эса 5 тур қолди.
Олий лига. 21-тур
"Насаф" - "Машъал" - 3:0
Гол: Кенжа Тўраев (41), Александр Петрович (46), Владимир Шишелов (72)
Огоҳлантириш: Илья Фомичев (89)
"Насаф": Мурод Зуҳуров, Шавкат Раимқулов, Ботир Қораев (с), Жаҳонгир Жиямуродов, Андрей Переплёткинс (Шоҳруҳ Гадоев 46), Кенжа Тўраев (Суҳроб Неъматов 75), Фозил Мусаев (Иван Бошкович 85), Эркин Бойдуллаев, Мирзакамол Камолов, Александр Петрович, Владимир Шишелов
"Машъал": Санжар Қувватов, Дилявер Ваниев (с), Абдували Мўминов, Илья Фомичёв, Мирзоҳид Ғофуров (Алик Ҳайдаров 82), Самандар Шодмонов, Игор Петкович, Э.Эргашев, Яннис Мандзукас (Жамшид Ҳасанов 61), Аббос Шодмонов, Павел Соломин (Габит Сапаргалиев 73)
Ҳакамлар: Т.Тўхтасинов, У.Каримов, А.Маражабов, Р.Тошмуҳамедов,
Назоратчи: В.Валицкий.
