"Барселона" бош мураббийи Хави Эрнандес "Реал"даги ҳамкасби Карло Анчелоттининг фикрига қўшилди. Аввалроқ, Анчелотти "кўк-анорранглар"нинг Ла Лигадаги 11 очкоси жамоалар ўртасидаги тоифадаги фарқни акс эттирмайди, деганди.
"Анчелотти ҳақ. "Реал" билан ўйинимизни солиштирсангиз, 11 очко ортда қолгани жуда ҳам кўп деган фикрга қўшиласиз. Мен буни илтифот сифатида қабул қиламан, чунки биз Ла Лигада ажойиб иш қилдик. Ҳар ким ўз манфаатини кўзлайди, бизнинг устуворлигимиз кўпроқ Ла Лига эди, айниқса Чемпионлар Лигасидан чиқиб кетганимиздан кейин", - деди Хави матбуот анжуманида.
