Матбуот анжуманининг иккинчи қисмида “Насаф” устози ОАВ ходимлари саволларига жавоб қайтарди.
У.Тошев: -Бугун тартибли ўйин бўлди. Ушбу баҳсда шогирдларим кўрсатган ўйин мени қаноатлантирди. Жамоамизнинг қанот ярим ҳимоячилари Мирзакамол Камолов ҳамда Андрейс Переплёткинсларнинг фаол ҳаракат қилишди. “Дерби”даги ғалаба ҳар доим ёқимли бўлади. Бугунги ғалаба билан барча жамоамиз ишқибозларини табриклайман.
-Жамоани меҳмонда қайд этаётган натижалари ижобий бўлмаяпти. Бунинг сабаби нимада?
-Бизнинг меҳмондаги учрашувларимизда ҳам бир қатор имкониятлар бўлмоқда. Аммо негадир футболчиларимиз бу имкониятлардан унумли фойдалана олишмаётганлиги сабабли, кўп маротаба меҳмонда ғалаба қозона олмадик.
-Дастлаб нега айнан Переплёткинсни алиштирдингиз?
- Биз ўзимиз ўйлаган ўзгаришларни амалга оширмоқчи эдик. Аммо Фозил Мусаев кутилмаганда уни алмаштиришмизни истади. Бугун яна Шуҳрат Мирҳолдиршоевни ҳам захирадан майдонга туширмоқди эдик. Лекин бу ўйлаган режамиз амалга ошмай қолди
-“Насаф” захирасидаги футболчиларининг кўпчилиги ўйин амалиётисиз қолиб кетишмоқда. Шу футболчиларни ёшлар таркибида ўйнатиб ўйин амалиётини ошириш керакмикан?
- Бу уларнинг муаммоси дея олмайман. Аммо ёшлар таркибига асосий таркиб футболчиларини ўйнатишни тўғри деб ўйламайман. Улар ёшларни ўйини бузиб қўйиши мумкин.
-Жамоанинг сўнги пайтлардаги ўйинларида ранг-баранглик етишмаяпти...
-Бу фикрга ҳам қўшилмайман. Бизнинг иштирокимиздаги ўйинларини кузатсангиз агар, қисқа пасли ҳилма-ҳил комбинацияларни ташкил этамиз.
