Мадриднинг “Реал” клуби бош мураббийи Карло Анчелотти яқин орада келажаги борасида бир қарорга келиши керак.

Мутахассиснинг ўзи ҳам матбуот анжуманларида бўлажак мавсумни "Реал Мадрид"да ўтказиш ниятида эканлигини бир неча бор таъкидлаган. Шу билан бирга, Madrid Xtra Geglobo'га таяниб хабар беришича, италиялик мутахассис Бразилия терма жамоасини бошқариш таклифини ҳозирча рад этмаган, бироқ у бунга рози ҳам бўлмаган. Бразилия футбол федерацияси мураббийга ультиматум қўйди - у якуний жавобни 25 майдан кечиктирмай бериши керак.

Карло Анчелоттининг "Реал" билан шартномаси 2023/24 йилги мавсум охиригача амал қилади.