Россиянинг "Анжи"клуби раҳбарияти қишки трансферлар чоғида Мадриднинг "Реал" клуби футболчиси Кака  билан ўз таркибини кучайтирмоқчи.

Махачқалъаликлар қиш фаслида испания гранди билан Кака бўйча музокаралар олиб бормоқчи.

Ўтган йили Кака "Милан"га қайтиши мумкин эди, лекин унинг йиллик маоши бунга тўсқинлик қилган. Унинг йиллик маоши 10 млн еврони ташкил этади.

"Италияда ҳеч ким бундай маош олмайди. - дейди футболчининг агенти Эрнесто Бронцетти. - Ҳозирда у ўз маошининг қули. Унинг хоҳиши ҳеч кимни қизиқтирмайди.

 "Анжи" клуби эса футболчига йилига 10 млн евро бера олади. Бундан ташқари "Анжи" "Реал"га футболчи учун катта сумма беришга ҳам тайёр экан. Баъзи экспертларнинг айтишича, ушбу трансфер баҳоси тахминан 18 млн еврони ташкил этади. Футболчининг "қиролик" клуби билан шартномаси 2015- йилгача амал қилади. Лекин майдонга тушмайдиган футболчи учун 10 млн евро тўлаш ҳатто "Реал" учун ҳам зиён.