"Рома" ҳужумчиси Пауло Дибала ҳозирда Рим жамоаси устози лавозимини эгаллаб турган португалиялик мураббий Жозе Моуриньо ҳақида фикр билдирди.
"Моуриньода харизма ва унинг футбол оламидаги имижи бор. У яхши шахматчи бўларди. У ишонтириш қобилиятига эга. Футбол оламида сизга ҳамма нарсани самимий айтиб берадиган одамни топиш қийин. У билан тўғридан-тўғри муносабатим бор, биз кўп мулоқот қиламиз", - деди Дибала Calciomercato билан суҳбатда.
60 ёшли мутахассис 2021 йилнинг июлидан буён "Рома" бош мураббийи лавозимида ишлаб келмоқда. Томонлар ўртасидаги амалдаги шартнома келаси йилнинг ёзида якунига етади.
