"Жирона" мухлислари Ла Лиганинг кечаги ўйинида Винисиус Жуниорни ҳақорат қилишди.

“Жирона” – “Реал” ўйини вақтида Винисиус тўп учун курашда майдонга йиқилиб, ҳакамдан қоидабузарликни қайд этишни сўраган. Ўша пайтда “Жирона” футболчиси бразилиялик футболчига тўпни тепди. Винисиус рақибнинг ҳаракатларига эмоционал муносабатда бўлди ва ҳакам Хавьер Иглесиас Вильянуэва "Реал" футболчисига сариқ карточка кўрсатди.

RedeTV маълумотларига кўра, "Жирона" мухлислари Винисиусга нисбатан (испан тилида "mono, mono") "Маймун, маймун" деб ҳайқиришни бошладилар. Ҳақоратларга жавобан бразилиялик футболчи "Монтиливи" стадионидаги мухлисларга қараб, либосининг клуб логотипи туширилган жойини силашни бошлади.

El Confidencial нашрининг қўшимча қилишича, ўйин давомида "Жирона" мухлислари "Винисиус, сен жуда ёмонсан, сен ёмонсан" деб бақиришган.

Бразилиялик футболчининг атрофидаги бу вазиятдан норози. "Бу фақат Ла Лигадаги сафар ўйинларида содир бўлади. Европада, "Реал Мадрид" Чемпионлар лигасида ўйнаганда, бу ҳеч қачон содир бўлмайди", - деди футболчига яқин манба футболчига нисбатан бўлган ҳақоратларни шарҳлар экан.

Учрашув “Жирона”нинг 4:2 ҳисобидаги ғалабаси билан якунланди. Винисиус голлардан бирининг муаллифига айланди, у 34-дақиқада гол урди.