Роберт Левандовски кетганидан кейин «Бавария» ҳужум марказига ҳеч кимни жалб қилолмади.
Мюнхен клуби бу борадаги хатосини очиқ тан олди. «Бавария» кейинги ёзда хатони тузатишни режалаштирмоқда.
«Бавария»нинг мақсади - «Наполи»нинг энг яхши ҳужумчиси, айни дамда Италияда порлаётган Виктор Осимхен.
Sky Sports хабарига кўра, мюнхенликлар футболчи алмашинувини амалга оширишни кутмоқда, бунда Садио Мане тескари йўналишда - Мюнхендан Неаполга боради.
24 ёшли Виктор Осимхен 100 миллион еврога баҳоланган. Эҳтимол, «Бавария» алмашинувни амалга оширишда қўшимча пул тўлаши керак бўлар.
