Ҳимоячи Чаглар Сёюнджю "Атлетико Мадрид" билан шартнома имзолаган. Бу ҳақда инсайдер Фабрицио Романо ижтимоий тармоқларда хабар берди.
Унга кўра, 26 ёшли туркиялик футболчи 2026/2027 йилги мавсум охиригача мўлжалланган шартномани имзолаган.
Сёюнджю ёзда "Лестер"дан "Атлетико Мадрид"га текинга ўтади. Туркиялик футболчи 2018 йилнинг августидан буён “тулкилар” сафида ўйнаб келмоқда. Бу вақт ичида Чаглар 130 та ўйин ўтказиб, учта гол урди ва шеригига битта самарали узатма берди.
Эслатиб ўтамиз, “Атлетико” айни дамда Испания чемпионати турнир жадвалида 3-ўринни эгаллаб турибди.
