Мадриднинг “Реал” клуби дарвозабони Тибо Куртуа Испания чемпионати доирасидаги “Альмерия”га қарши ўйинда майдонга қайтиши мумкин. Madrid Xtra хабарига кўра, футболчининг ошқозонида ҳамон муаммолар бор, аммо шунга қарамай, у шанба куни "Альмерия"га қарши ўйингача тузалиб кетиши кутилмоқда.
Эслатиб ўтамиз, Куртуа "Жирона" билан чемпионатдаги сўнгги ўйинни ўтказиб юборди. Унинг ўрнини 4 та гол ўтказиб юборган захира дарвозабони Андрей Лунин эгаллади. Ўйин “Реал”нинг 2:4 ҳисобидаги мағлубияти билан якунланди.
Ярим ҳимоячилар Лука Модрич ва Марко Асенсио, шунингдек, ҳимоячилар Давид Алаба ва Ферлан Менди "Альмерия" билан ўйинда "Реал"га ёрдам беришмайди.
