"Милан" ёзда "Арсенал" ярим ҳимоячиси Рейс Нельсон билан таркибини кучайтирмоқчи. The Sun хабарига кўра, "россонерилар" жорий мавсумда кам ўйин амалиётига эга бўлаётган англиялик футболчига кўз тикишмоқда.
Нельсон ўтган мавсумни ижара асосида "Фейеноорд"да ўтказди ва у билан Конференциялар лигаси финалига чиқди. Ушбу мавсумда 23 ёшли ярим ҳимоячи АПЛда бор йўғи 7та ўйинда майдонга тушди, аммо учта гол ва иккита голли узатмани амалга оширди.
Нельсоннинг "Арсенал" билан шартномаси мавсум охирида тугайди. Футболчи мунтазам ўйин амалиётига эга бўлишни истайди, шунинг учун ёзда Рейс эркин агент сифатида янги жамоага ўтиши мумкин. Ярим ҳимоячига аввалроқ Италиянинг бошқа жамоаси – Жозе Моуриньо бошчилигидаги “Рома” қизиқаётган эди.
