Ёзги трансфер ойнасида "Бавария" ўз таркибини кучайтиришга ҳаракат қилади. Мюнхен клуби "Манчестер Юнайтед" ярим ҳимоячиси Каземирога қизиқиш билдирмоқда, деб хабар беради Goal Fussball Transfers нашрига таяниб.
Қайд этилишича, март ойи охирида жамоани қабул қилиб олган “Бавария” бош мураббийи Томас Тухель Каземиронинг ашаддий мухлиси ҳисобланади.
Каземиро ўтган ёзда "Манчестер Юнайтед"га ўтганди. Келаси ёзда 31 ёшли бразилияликнинг "Бавария"га ўтиши қийин бўлади.
Эслатиб ўтамиз, Transfermarkt портали экспертлари бразилиялик футболчини 50 миллион еврога баҳоламоқда.
