"Тоттенхэм"нинг собиқ бош мураббийи Гарри Реднапп "шпорлар" ва Англия терма жамоаси ҳужумчиси Харри Кейн ҳақида ўз фикрлари билан ўртоқлашди. Мутахассиснинг фикрича, ҳужумчи "Челси"га ўтиши мумкин.
"Албатта, бу танлов "Тоттенхэм" мухлисларига ёқмайди, аммо Кейн учун бу ажойиб ҳаракат бўлади. Гарри оилапарвар одам, шунинг учун у Англиянинг шимолига ёки бошқа лигага кўчиб ўтишни истамайди", - деди Реднапп Beyond the Pitch билан суҳбатда.
Аввалроқ ОАВда Кейнга "Манчестер Юнайтед" қизиқаётгани ҳақида хабарлар тарқалганди. Унинг "Тоттенхэм" билан шартномаси 2024 йилнинг ёзига қадар мўлжалланган, трансфер нархи эса 90 миллион еврони ташкил қилади.
