"Фиорентина" президенти Рокко Комиссо молиявий фирибгарликда гумонланаётган Туриннинг "Ювентус" клуби муаммолари ҳақида гапирди.
"Даромад биз учун муаммо эмас, чунки биз "Ювентус"дек бўлишни истамаймиз. Туринликлар билан боғлиқ муаммолар Криштиану Роналду билан шартнома имзоланганидан кейин бошланди. "Фиорентина" билан ҳеч қачон бундай бўлмайди. Кейинчалик нима бўлишини билмайман, лекин биз аниқ банкрот бўлмаймиз", - деди клуб президентиFootball-Italia билан суҳбатда.
"Фиорентина" куни кеча "Кремонезе"ни умумий ҳисобда (2:0, 0:0) мағлуб этиб, Италия Кубоги финалига чиқди. Миллий чемпионатда Флоренция жамоаси ўнинчи ўринни эгаллаб турибди.
