"Барселона" бош мураббийи Хави Эрнандес марказий ҳимоячи Андреас Кристенсеннинг кетишига тўсқинлик қилди. Бу ҳақда журналист Ферран Корреас ижтимоий тармоқларда хабар берди.
Эслатиб ўтамиз, Кристенсен ўтган ёздан бери "Барселона"да ўйнамоқда, у "Челси"дан эркин агент сифатида кўчиб ўтганди. Даниялик футболчи сотиш учун асосий номзод деб ҳисобланган, чунки клубга молиявий муаммоларни енгиш учун келаётган мавсум оралиғида пул керак бўлади.
Бироқ Хави Кристенсеннинг кетишига тўсқинлик қилишга қарор қилди, чунки мураббий даниялик ҳимоячининг дебют мавсумидаги ўйинларидан мамнун ва уни дахлсиз футболчи деб билади.
