"Манчестер Юнайтед" бош мураббийи Эрик тен Хаг вингер Алехандро Гарначони U20 Жаҳон чемпионатига қўйиб юборишдан бош тортди. Эслатиб ўтамиз, аргентиналик футболчи ҳозирда жароҳатини даволанмоқда.
“Йўқ, биз Гарначони Аргентина билан ёшлар ўртасидаги жаҳон чемпионатига қўйиб юбормаймиз. Эртага у машғулотларни давом эттиради, шундан сўнг уни қачон жамоа билан машғулотларга ва тўлиқ ўйинларга қайтариш мумкинлигини кўрамиз", - деди Тен Хаг матбуот анжуманида.
Гарначо жорий мавсумда Премьер-лигада иккита гол урди ва иккита голли узатмани амалга оширди.
Эслатиб ўтамиз, Аргентина U20 жаҳон чемпионати очилишида Ўзбекистон билан учрашади.