"Лилль" ҳужумчиси Жонатан Дэвид бир қатор гранд клублар назарига тушган. 23 ёшли канадалик футболчи Лига 1да ажойиб мавсум ўтказмоқда. Ҳозирда Дэвид тўпурарлар рейтингида Килиан Мбаппедан (21 га 22) атиги бир гол ортда қолиб, иккинчи ўринда бормоқда.
GOAL порталининг L'Equipe нашрига таяниб хабар беришича, Дэвид Премьер-лиганинг кучли учта клуби қизиқиш доирасига тушиб қолган. Гап "Манчестер Юнайтед", "Челси" ва "Тоттенхэм" ҳақида кетмоқда. Канадалик тўпурарнинг потенциал қиймати 65 миллион еврони ташкил қилади.
Қўшимча қиламизки, Жонатан Дэвид 2020 йилнинг августидан бери "Лилль"да ўйнамоқда.
