"Ливерпуль" сардори Жордан Хендерсон Англия Премьер-лигасининг барча даврлардаги энг яхши ярим ҳимоячиси ҳақидаги саволга жавоб берди.
2011 йилдан бери “қизиллар” сафида тўп сураётган 32 ёшли футболчи кутилган танловни амалга оширди.
“Премьер-лига тарихидаги энг буюк ярим ҳимоячи? Агар бир кишининг исмини айтиш керак бўлса, мен Стивен Жеррардни танлайман", - дея мерсисайдликлар ярим ҳимоячисининг сўзларини келтиради Sky Sports нашри.
Эслатиб ўтамиз, Стивен Жеррард деярли бутун фаолиятини "Ливерпуль"да ўтказган. 2015 йилда у Американинг “Лос-Анжелес Гэлакси” клубига ўтди ва 2017 йилда бутсаларини михга илди.
