"Милан" ҳужумчиси Рафаэль Леау мусиқага жиддий қизиқади. Жорий йилнинг охирида португалиялик иккинчи альбомини чиқармоқчи. Леау унинг ишига шериклари қандай муносабатда бўлишлари ҳақида гапирди.
“Ҳа, Миландаги шерикларим қўшиқларимни тинглашди. Кимдир кулди, кимдир мени қўллаб-қувватлади. Ким кулди? Златан Ибраҳимович. У менга мусиқага эмас, футболга эътибор қаратишимни маслаҳат берди. Аммо қолганлар давом этишимни айтишди", - деди Леау.
2022/2023 йилги мавсумда Леау "Милан" сафида 41 та ўйинда майдонга тушди. Уларда 23 ёшли ҳужумчи 13 та гол урди ва шерикларига 12 та голли узатма берди.
