"Актобе" клуби ўз майдонида Пермьер-лиганинг қолдирилган учрашувида "Акжайик"ка ютқазиб қўйганидан кейин бош мураббий Владимир Муханов матбуот анжуманида клуб раҳбариятидан истеъфога чиқаришларини сўрашини айтиб ўтганди.
Маълум бўлишича, вилоят ҳокими Архимед Мухамбетов унинг аризасини қабул қилмаган ва Муханов ўз лавозимида ишлашда давом этади. Вилоят ҳокими кеча машғулот олдидан футболчилар билан учрашди.
Владимир Мухановнинг "Актобе" клуби билан шартномаси 2013 йилнинг охирига қадар тузилган. Демак, Гейнрих, Кападзе ва Бикмаев ушбу мураббий қўлостида ўйнашда давом этишади.
Таъкидлаш лозим, "Актобе" мухлислари ҳам Владимир Мухановни истеъфога чиқармасликни сўраб вилоят ҳокимига хат ёзишган.
