"Вальядолид"нинг ўнг қанот ҳимоячиси Иван Фреснедага "Милан" қизиқиш билдирмоқда.
18 ёшли футболчи қишда клубини ўзгартириши мумкин эди - Лондоннинг "Арсенал", "Ньюкасл" ва "Ювентус" клублари уни қўлга киритишга ҳаракат қилишди, бироқ келишув амалга ошмади. Шунингдек, турли манбаларда "Боруссия Дортмунд"дан ҳам футболчига қизиқиш борлиги ҳақида хабар берилган. Calciomercato хабарига кўра, "Милан" ёш иқтидорлар учун курашга қўшилган. "Россонерилар" раҳбарияти ёзги трансфер ойнасида испаниялик футболчини қўлга киритиш ҳақида ўйламоқда.
Transfermarkt Иван Фреснеданинг нархини 10 миллион еврога баҳолаган. Футболчи жорий мавсум “Вальядолид” сафида 20 та ўйинда майдонга тушди.
