«Уотфорд» ҳужумчиси Жоау Педру фаолиятини Англия премьер-лигасида давом эттиради.
Sky Sports хабарига кўра, 21 ёшли бразилиялик футболчининг янги жойи «Брайтон» бўлади.
Томонлар ёзги трансфер ойнаси очилгандан сўнг якунига етадиган келишув бўйича келишиб олишди.
Педрунинг трансфери учун «Брайтон» раҳбарияти 30 миллион фунт (34 миллион евро) тўлайди. Бу клуб тарихидаги рекорд харид бўлади.
Педру 2020 йил қишидан бери «Уотфорд» шарафини ҳимоя қилиб келмоқда. Ҳужумчи жорий мавсум чемпионшипда 35 та ўйинда майдонга тушиб, 11 та гол урди ва 4 та голли узатмани амалга оширди.
