Саудия Арабистонининг «Ан-Наср» клубида тўп тепаётган португалиялик ҳужумчи Криштиану Роналду ўзининг ижтимоий тармоқлари орқали «Ар-Риёд» клуби устидан қозонилган йирик ғалаба (4:0) ҳақида гапирди.
«Ажойиб ғалаба. Йигитлар ажойиб ўйнашди. Мухлисларимизга алоҳида раҳмат, улар ҳар доимгидек ақл бовар қилмас даражада эди», - деди 38 ёшли тўпурар ўз постида.
Ушбу ғалаба эвазига «Ан-Наср» уч ўйиндан иборат мағлубиятлар сериясини бузишга муваффақ бўлди. Саудия Арабистони чемпионати турнир жадвалида Роналду жамоаси «Ал-Иттиҳод»дан 3 очко ортда қолиб, иккинчи ўринда бормоқда.
