"Челси" ҳужумчиси Армандо Броя ҳимоячи Бен Чилуэлл унга жароҳатидан кейин тикланишига қандай ёрдам бераётганини айтиб берди.
Эслатиб ўтамиз, албаниялик футболчи бу жароҳатни декабрь ойида ўртоқлик учрашувида олганди. Чилуэлл ўтган мавсумнинг кўп қисмини жароҳат билан ўтказиб юборди.
"Чилуэлл менга тикланиш жараёнида катта ёрдам бермоқда. Бен буни ўз бошдан кечирган ва бутун жараён менталитет ва ишончга қанчалик қийин бўлишини билади. Унга бу нима учун кераклигини билмайман, лекин у менга ҳар қадамда ёрдам беришга ҳаракат қилмоқда. Унга катта раҳмат айтмоқчиман", - деди Брой "Челси" расмий сайтига.
