Орадан 20 йил ўтиб, «Интер» ва «Милан» яна Чемпионлар лигаси ярим финалида тўқнаш келади.
«Ювентус»нинг собиқ ҳимоячиси Жорджо Кьеллини бўлажак баҳс ҳақида ўз фикрлари билан ўртоқлашди.
У 2010 йилги Чемпионлар лигаси ғолиби бўлган «Интер»нинг финалга чиқиши мумкинлигини башорат қилди.
«Бу жуда шиддатли кураш бўлади, лекин кимгадир 1 евро тикишим керак бўлса, «Интер»га тиккан бўлардим.
Менимча, бундай ўйинларда улар кучлироқ кўринади», - дея Кьеллинининг сўзларини келтиради pianetamilan.it.
Эслатиб ўтамиз, «Милан» охирги марта 2007 йилда Европанинг энг нуфузли клублар турнирида ғалаба қозонганди.
