Олмалиқда олий лиганинг 21-туридан ўрин олган учрашувда «Олмалиқ» «Шўртан»ни қабул қилиб имкониятни бой берди.
Шу жамоа «Бунёдкор»ни ютган «Олмалиқ»ми, демоқчисиз-а? Қўяверинг ҳаётда ҳамма нарса бўлиши мумкин. Буни ўзбек футболи, йўғе футбол дейишади...
Учрашувнинг 9-дақиқасидаёқ Ботир Қодирқулов меҳмонларни ҳисобда олдинга олиб чиқди. Убайдуллаев-Таран-Убайдуллаев-Тожиев комбинациясидан сўнг жарима майдони ичида қулай вазиятда турган Ботир Қодирқулов Роман Абдуловни доғда қолдирди.
Иккинчи гол эса иккинчи бўлимда киритилди. 55-дақиқада ўнг томондан Ботир Қодирқулов бошлаб берган ҳужумни Вадим Афонин ривожлантирди ва яхши имкониятга эга бўлган Фарҳод Тожиевга тўпни етказиб берди. Фарҳод эса қийинчиликсиз «Олмалиқ» дарвозасини ишғол қилди.
84-дақиқага келиб ҳисоб йирик кўриниш олди. Виктор Клишин Игорь Таранни қулай вазиятга чиқарди. Таран бир ҳимоячини алдаб ўтиб, Роман Абдулов дарвозасини аниқ нишонга олди.
Буёғи энди бироз ғалати тус олди. Бир қаршда рақибга қаршилик қила олмаётган «Олмалиқ» барча масалар ҳал бўлиб улгурганида кетма-кет, бир дақиқа ичида иккита гол уриб ташлади. 90-дақиқа мобайнида бу ишни эплай олмаган жамоа Пиримов ва Отақўзиевларнинг кўмагида йирик ҳисобдаги мағлубиятдан қутулиб қолишди...
ЎзПФЛ. 21-тур
ОЛМАЛИҚ - ШЎРТАН 2:3 (0:1)
Голлар: Носирбек Отақўзиев (89), Зоҳир Пиримов (90) - Ботир Қодирқулов (9), Фарҳод Тожиев (55), Игор Таран (84).
ОЛМАЛИҚ: 50. Роман Абдулов, 4. Фаррух Нурлибоев, 5. Евгений Гоголь, 20. Дарко Станоевич, 6. Азамат Исроилов (9. Носир Отақўзиев, 70), 13. Олег Зотеев, 11. Зоҳир Примов, 3. Темур Айзатулов, (Суҳроб Бердиев, 34) 7. Достон Абдураҳмонов, 18. Зафар Полвонов, 14. Исроил Эргашев (Александр Востриков, 46).
ШЎРТАН: 1. Михаил Наумов, 3. Патрик Агбо, 5. Асрор Алиқулов, 9. Игорь Таран, 14. Лазиз Убайдуллаев, 15. Вадим Афонин, 17. Вячеслав Понамарёв (Обид Жўрабоев, 46), 19. Александр Мерзляков, 20. Ҳамза Каримов, 24. Ботир Қодирқулов (Виктор Клишин, 62), 25. Фарҳод Тожиев (Аббос Амонов, 72).
Огоҳлантиришлар: В. Понамарёв (6), Михали Наумов (70).