21-турнинг сўнгги учрашувида «Бухоро» ўз уйида «Навбаҳор»ни қабул қилиб ғалаба қозонди.

Учрашувнинг дастлабки дақиқаларидан устунликни ўз қўлига олган мезбонлар 29-дақиқада ҳисобни очишди. «Нефтчи»нинг собиқ футболчиси Воҳид Шодиев ҳисобни очди. Бу вазиятда унга тўпни Баҳридди Ваҳобов етказиб берганди..

Иккинчи бўлимнинг 17-дақиқасида яна ўша Воҳид Шодиев жамоасининг иккинчи голини киритди. Акмал Холмуродов томонидан етказиб берилган тўпни Шодиев ортиқча қийинчиликсиз дарвозага жойлаб қўйди.

«Навбаҳор» футболчилари 74-дақиқа Абдураззоқ Жўраев томонидан киритилган гол билан рақибга бир жавоб қайтара олишди холос. Қолганига уларнинг кучи етмади ва натижада «Бухоро» кичик фарқ билан бўлсада ғалабани қўлга киритди.

ЎзПФЛ. 21-тур
БУХОРО – НАВБАҲОР 2:1 (1:0)
Голлар: Воҳид Шодиев (29, 62) - Абдураззоқ Жўраев (74).

БУХОРО: Садор Қобулжонов, Девид Ония, Георгий Квесиешвили, Алексей Николаев (Наоя Шибамура, 33), Жасур Ҳасанов, Шахзод Сулаймонов, Акмал Холмуродов (Илёс Хайров, 64), Воҳид Шодиев, Отабек Нарзуллаев, Бахриддин Ваҳобов (Евгений Кочнев, 90+1), Асқар Муҳиддинов.
НАВБАҲОР: Ботир Носиров, Абдумажид Тоиров, Виталий Панасюк, Абдулазиз Султонов (Акром Бахриддинов, 51), Собир Ҳамидов (Абдураззоқ Жўраев, 67), Алишер Махмудов, Рустам Боқиев, Ғайрат Жўраев (Ренат Байрамов, 84), Темур Султонов, Николай Риндюк, Жаҳонгир Меҳмонов.

Ҳакамлар: Р. Эрматов, Ж. Саидов, А. Букатин, Н. Болтаев.