The 1958 деб номланган "Манчестер Юнайтед" мухлислар уюшмаси клубнинг ҳозирги эгаларига қарши норозилик намойиши тайёрлади. Бу ҳақда ассоциациянинг ижтимоий тармоқларида хабар берилди.
Англия Премьер-лигасининг 34-туридан ўрин олган “Астон Вилла”га қарши ўйинда мухлислар “Фақат тўлиқ сотув” ёзуви остидаги баннерни осиб қўйишади.
Аввалроқ Британия матбуотида манкунианликлар клубининг асосий улушига эга бўлган Глейзерлар оиласи клубни сотиш бўйича таклифларни кўриб чиқаётгани ҳақида хабар берилганди. "Юнайтед"ни сотиб олишга қатарлик шайх Ал Тани ва инглиз миллиардери Жим Рэтклифф қизиқиш билдирмоқда.
