Эрлинг Холанд Премьер-лигада бир мавсумда энг кўп гол уриш бўйича рекордни такрорлади.
"Манчестер Сити" ҳужумчиси АПЛнинг 34-тури доирасидаги ўйинда "Фулхэм" дарвозасига пенальтидан тўп киритди. Бу норвегияликнинг Англия чемпионатининг жорий мавсумидаги 34-голи.
Аввалроқ Холанд 2017/18 йилги мавсумда Муҳаммад Салоҳ томонидан ўрнатилган 38 ўйиндан иборат чемпионатда (20 жамоа билан) гол уриш бўйича рекордни янгилаган эди.
Ва энди у умумий рекордни такрорлади (ўйинлар сонини ҳисобга олмаганда). Энди Коул (1993/94 йилги мавсумда) ва Алан Ширернинг (1994/95) ҳар бирида 34 тадан гол бор эди - улар 22 жамоадан иборат чемпионатда 42 та учрашувда шунча гол уришган эди.
