Лучано Спалетти «Салернитана»га қарши дуранг ҳақида фикр билдирди.
«Наполи» А Сериянинг 32-турида «Салернитана» билан дуранг ўйнади (1:1), жамоа 84-дақиқада гол ўтказиб юборди. Бу неаполликларга ушбу турдаёқ А лига чемпионлигини олишга имкон бермади.
«Очиғи, йигитлар мухлисларга бу қувончни келтира олмаганидан жуда хафа бўлишди, лекин биз анчадан буён психологик жиҳатдан энг оғир дамларни ўтказаётганимизни ҳис қилиб турибмиз.
«Салернитана» тартибли жамоа ва ҳимояда ёпиқ ўйнайди, бу бизга қийинчилик туғдирди, кейин эса гол ўтказиб юборилган эпизодда биз бироз содда кўриндик.
Одамлар қандай байрам қилишларини кўриш мен учун янада ёқимли бўларди, чунки биз уларнинг меҳрини бутун қалбимиз билан эшитамиз ва ҳис қиламиз. Биз уларнинг орзуларини ифодалаймиз, улар буни ҳис қилишади», – деди Спалетти.
