«Астон Вилла»нинг ҳозирги бош мураббийи Унаи Эмери ўн йил олдин «Севилья»ни қандай бошқарганини эслади.
Испаниялик мутахассис клубнинг ўша пайтдаги президенти Хосе Мария дел Нидонинг сўзлари ҳақида гапирди.
«Севилья»га келганимда, дел Нидо менга шундай деганди: «Сиз бирор бир унвон ютганмисиз? Энди бу ерда сиз қандай соврин ютишни билиб оласиз», дея функционернинг сўзларини эслади Эмери.
Унаи Эмери қўл остида «Севилья» уч марта – 2014, 2015 ва 2016 йилларда Европа лигасида ғолиб чиққан. Булар Эмерининг мураббийлик фаолиятидаги илк совринлари эди.
Эслатиб ўтамиз, бир вақтлар Эмери Россияда - «Спартак»да ҳам ишлаган.
