Мадриднинг «Реал» клуби ярим ҳимоячиси Лука Модрич жароҳатини тезроқ даволамоқчи.

Дастлаб, хорватияликнинг сонидан олган жароҳатидан тикланиши тахминан тўрт ҳафта давом этиши кутилганди.

Relevo хабарига кўра, футболчининг ўзи икки ҳафтадан кейин қайтишга умид қилмоқда. 37 ёшли ярим ҳимоячи муаммони тезроқ ҳал қилиш учун аллақачон мутахассисларга мурожаат қилган.

Лука Модрич жорий мавсумда «Реал» сафида барча турнирлар доирасида 44 та ўйинда майдонга тушиб, 6 та гол урди ва 6 та голли узатмага муаллифлик қилган.

2 май куни «қаймоқранглилар» Ла Лига доирасида «Реал Сосьедад»га қарши баҳс олиб боради.