Яқиндаги бразилиялик афсонавий ҳужумчи Роналдо ўзи учун тарихидаги энг яхши футболчилардан иборат рамзий жамоани тузиб чиқди.
Унинг танлови билан танишамиз:
Дарвозабон: Жанлуижи Буффон
“Келинг, Буффондан бошлайлик, ажойиб дарвозабон, унга гол уриш жуда қийин эди. У ажойиб дарвозабон, мен учун тарихдаги энг буюк дарвозабон”.
Ҳимоячилар: Кафу, Паоло Мальдини, Франц Беккенбауэр, Роберто Карлос
"Бу жуда ҳужумкор жамоа, Кафу ўнг томонда бўлади, у доимо олдинга бориши мумкин, Паоло Мальдини, Франц Беккенбауэр ва Роберто Карлос у билан бирга 4 нафар ҳимоячидан иборат чизиқ ҳосил қилади."
Марказий ярим ҳимоячилар: Диего Марадона, Зико
"Марказда биз сифатли ярим ҳимояга эга бўламиз, Зико бешинчи, Марадона саккизинчи рақамда бўлади ва жуда агрессив ҳаракат қилишади."
Ўнг қанот ҳужумчиси: Лионель Месси, Чапда: Роналдиньо,
Ҳужумчилар: Пеле ва Роналдонинг ўзи
"Ҳужум Лионель Месси, Қирол Пеле, Роналдиньо Гаучо ва аниқ мендан иборат бўлади"
Мураббий: Марио Загалло
"Ушбу юлдузли жамоанинг мураббийи сифатида мен ўз ҳаётим давомида бирга ишлаган энг яхши мутахассисни қўйдим: Марио Хорхе Лобо Загалло."
Кўриб турганингиздек, Феномен Криштиану Роналдуни таркибга киритмаган. Мана унинг сўзлари: "Менда Гарринча, Ривалдо, Криштиану Роналду каби юлдузлар ўйнаган ажойиб захира ўриндиғим бўларди".
