"ПСЖ" клуби маслаҳатчиси Луиш Кампуш "Лорьян"дан учралган мағлубиятдан сўнг (1:3) журналистлар саволларига жавоб берди.
Лига 1 етакчиси ўз уйларида кутилмаганда мағлубиятга учраб, чемпионликни қўлга киритиш вазифасини бироз мураккаблаштиришди.
“Бундай учрашувдан кейин мухлисларнинг ҳафсаласи пир бўлганини тушунамиз. Ҳозир ҳаммамиз ҳафсаламиз пир бўлди. Ҳозиргина кийиниш хонасидан қайтдим, у ерда жуда хафа бўлган футболчиларни кўрдим.
Футболчилар мураббийни қўллаб-қувватлаяптими? Ишончим комилки, ҳа. Биз бирлашиб чемпионликни бирга қўлга киритишимиз керак. Бизга ҳаммадан, шу жумладан, мухлислардан ҳам тўғри муносабат керак. Биз буни албатта қиламиз”, деди Кампуш Canal+ телеканалига берган интервьюсида.
