"Ливерпуль" бош мураббийи Юрген Клопп ўз жамоасининг Англия Премьер-лигасининг кучли 4 лигидан жой олиш имкониятига унчалик ишонмаяпти.
Бугун “Тоттенхэм” устидан қозонилган ғалабадан сўнг (4:3) мерсисайдликлар бешинчи ўринда, бироқ “Манчестер Юнайтед” ва “Ньюкасл”дан мос равишда 7 ва 9 очко ортда қолмоқда. “Қизил иблислар”нинг захира ўйини ҳам бор.
"Ливерпуль" Чемпионлар лигасига йўл оладими? Албатта йўқ. "Юнайтед" ва "Ньюкасл" ҳар ўйинда ғалаба қозонса, буни қандай қиламиз? Агар улар очко йўқотишни бошласа, биз яқинроқ келишимиз мумкин, лекин умуман Европа мусобақаларига чиқиш учун аввало биз доимий равишда ўзимиз ғалаба қозонишимиз керак", - дея немис мураббийининг сўзларини келтиради BBC.
