Англия премьер-лигасининг жорий мавсумида дастлабки 15 дақиқада ўтказиб юборилган голлар сони бўйича «Тоттенхэм Ҳотспур» пешқадамлик қилмоқда.

Якшанба куни бўлиб ўтган «Ливерпул»га (3:4) қарши ўйинда «шпорлар» 15-дақиқага қадар уч бор гол ўтказиб юборишди ва бир ҳафта аввал «Ньюкасл» билан учрашувда (1:6) ҳам худди шундай ҳолат юз берганди.

BBC хабарига кўра, «Тоттенхэм» 15 дақиқада ўтказиб юборилган голлар бўйича лигада соф биринчи ўринни эгаллаб турибди (13 та).

Премьер-лига тарихида фақат учта жамоа шунга ўхшаш ҳолатда бундан ҳам кўпроқ умидсизликка учраган: «Вулвз» (16), 2011/12, «Ипсвич» (1994/95да 15) ва «Шеффилд Юнайтед» (1993/94да 14).