«Астон Вилла» «Атлетико» ярим ҳимоячиси Родриго де Паулга қизиқиш билдирмоқда.

Бирмингемликлар қизиққан футболчилар орасида Жовани ло Чельсо («Вильярреал»), Маттео Гендузи («Марсель») ва Калвин Филлипс («Манчестер Сити») бор.

Инсайдер Николо Скиранинг сўзларига кўра, «виллаликлар» Аргентина терма жамоаси сафида жаҳон чемпионига айланган Родриго де Паулни ҳам ўз сафига қўшиб олмоқчи.

Ярим ҳимояни кучайтириш Унаи Эмери учун трансфер бозоридаги устувор вазифалардан биридир.

28 ёшли ярим ҳимоячи «Атлетико» билан 2026 йилгача мўлжалланган шартномага эга. Де Паулнинг трансфер нархи 40 миллион еврога баҳоланмоқда.