«РБ Лейпциг» бош мураббийи Марко Розе ҳужумчи Кристофер Нкункунинг жамоадан кетишини тасдиқлади.
Қишда маълум бўлганидек, 25 ёшли футболчи Лондоннинг «Челси» клуби билан келишиб олган. Клублар мавсум якунланганидан кейин амалга ошириладиган трансфер шартлари бўйича ҳам келишиб олдилар, аммо бу ҳали расман тасдиқланмаган.
Жамоа устози ҳужумчининг «Хоффенхайм»га қарши ўйиндаги ҳаракатларини шарҳлар экан, унинг кетишини яширмади:
«Ушбу ғалабали гол унга кейинги бир неча ҳафта давомида куч бериши керак, бу унинг клубимиздаги сўнггиси бўлади, менимча», - дея Марконинг сўзларини келтиради Goal.
«РБ Лейпциг» «Хоффенхайм»ни 2:1 ҳисобида мағлуб этди ва Нкунку битта гол урди, бу ноябрь ойидан бери биринчиси эди.
