«RB Leypsig» bosh murabbiyi Marko Roze hujumchi Kristofer Nkunkuning jamoadan ketishini tasdiqladi.

Qishda ma’lum bo‘lganidek, 25 yoshli futbolchi Londonning «Chelsi» klubi bilan kelishib olgan. Klublar mavsum yakunlanganidan keyin amalga oshiriladigan transfer shartlari bo‘yicha ham kelishib oldilar, ammo bu hali rasman tasdiqlanmagan.

Jamoa ustozi hujumchining «Xoffenxaym»ga qarshi o‘yindagi harakatlarini sharhlar ekan,  uning ketishini yashirmadi:

«Ushbu g‘alabali gol unga keyingi bir necha hafta davomida kuch berishi kerak, bu uning klubimizdagi so‘nggisi bo‘ladi, menimcha», - deya Markoning so‘zlarini keltiradi Goal.

«RB Leypsig» «Xoffenxaym»ni 2:1 hisobida mag‘lub etdi va Nkunku bitta gol urdi, bu noyabr oyidan beri birinchisi edi.