"Ницца" марказий ҳимоячиси Жан-Клер Тодибо фаолиятини Англия Премьер-лигасида давом эттириши мумкин.
"Манчестер Юнайтед" 23 ёшли футболчининг трансферига қизиқиш билдирмоқда, улар Жан-Клерни Харри Магуайрга ўринбосар сифатида кўрмоқда. Англиялик футболчи келаси ёзда "Олд Траффорд"ни тарк этиши мумкин.
Тодибонинг "Ницца" билан шартномаси 2027 йилнинг ёзига қадар тузилган. Унинг трансфер нархи 30 миллион еврога баҳоланмоқда.
Лига 1нинг жорий мавсумида ҳимоячи 30 та ўйин ўтказиб, иккита сариқ карточка олди ва икки марта майдондан четлатилди.













