"Барселона" ёзда ўз тарбияланувчиси Ансу Фатини Англия Премьер-лигасига сотиши мумкин. Sport хабарига кўра, футболчининг агенти Жорже Мендеш "кўк-анорранглилар" раҳбариятига Англия Премьер-лигаси клуби яқин орада Ансу учун 70 миллион евро таклиф қилишини айтган.
Эслатиб ўтамиз, Фати аввалроқ мунтазам ўйин амалиёти йўқлигига қарамай, "Барселона"да қолиш истагини билдирган эди. "Манчестер Юнайтед" Ансу учун асосий даъвогар сифатида кўрилмоқда, аммо манба ҳозирча 70 миллион евро тўлашга тайёр жамоа номини эълон қилмаган.
Фати жорий мавсум Испания чемпионатида 4 та гол урди ва 3 та голли узатмани амалга оширди.
