"Реал Мадрид" бош мураббийи Карло Анчелотти марказий ҳимоячи Давид Алаба Испания чемпионатида "Реал Сосьедад"га қарши бўладиган ўйинда майдонга тушмаслигини айтди. Эслатиб ўтамиз, австриялик бугун жамоа билан машғулотларни давом эттирди.
"Алаба ҳақиқатан ҳам жамоа машғулотларига қайтди, аммо у "Реал Сосьедад"га қарши ўйинда иштирок этишга тайёр эмас. Вальвердега келсак, Федерико шубҳа остида”, - деди Анчелотти матбуот анжуманида.
Қайд этилишича, Алаба "Реал" 6 май куни "Осасуна"га қарши ўйнайдиган Испания кубоги финалида тикланиши керак. Ярим ҳимоячи Лука Модрич бу учрашувни ўтказиб юбориши кутилмоқда.
