«ПСЖ» ҳужум чизиғида Неймар, Килиан Мбаппе ва Лионель Месси каби юлдузлар борлиги билан фахрланади.

Бироқ, ушбу уч футболчининг ҳар бирига нисбатан трансфер миш-мишлари мунтазам равишда пайдо бўлади.

Парижликлар ёзда ҳужум чизиғига янги ўйинчи сотиб олишлари мумкин.

«Пари Сен-Жермен» «Рома» ҳужумчиси Тэмми Абрахамга қизиқиш билдирмоқда, деб хабар беради La Gazzetta dello Sport.

25 ёшли англиялик 2022/2023 йилги мавсумда 45 та ўйинда 9 та гол урди ва 7 та голли узатмани амалга оширди.

Нуфузли transfermarkt портали мутахассислари Тэмми Абрахамни 45 миллион еврога баҳоламоқда.