Ярим ҳимоячи Тони Кроос "Реал" билан шартномасини узайтиришга рози бўлди.

Келишув ҳали расман тасдиқланмаган, аммо бир неча ҳафта олдин ишончли манбалардан маълум бўлганидек, тўлиқ келишилган ва расмийлаштирилган. Инсайдер Фабрицио Романонинг сўзларига кўра, ярим ҳимоячининг шартномаси кутилганидек, 2024 йилгача мўлжалланган, шунингдек, маълум шартлар ёки томонларнинг илтимосига биноан автоматик янгиланишнинг қўшимча пунктлари назарда тутилмаган.

Тони Кроос жорий мавсум “Реал” сафида 43 та ўйинда майдонга тушиб, 2 та гол ва 5 та голли узатмага муаллифлик қилган.