"Челси" 15 ёшли футболчини 20 миллион евро эвазига сотиб олади.
Лондон клуби 15 ёшли ярим ҳимоячи Кендри Паэснинг трансферини якунлаш арафасида.
Футболчи лондонликлар билан узоқ муддатли шартнома имзолаб, яна икки мавсумни Эквадорнинг "Индепендьенте дель Валье" клубида қолади.
Шу тариқа Паэс 2025 йилда "Челси"га ўтади.
Трансфер суммаси 20 миллион еврога баҳоланмоқда, бироқ тўловларнинг аксарияти бонусларга айлантирилган.
Жорий мавсумда Паэс Эквадор чемпионатининг тўртта ўйинида битта гол урди.