"Барселона" директори Матеу Алемани жамоани тарк этади.

Каталония жамоаси Матеу Алеманининг "Барселона"даги фаолиятини 30 июнь куни якунлаши ҳақида расмий эълон қилди.

Қайд этилишича, функционер “янги профессионал лойиҳа” билан шуғулланади.

Алемани ва "Барселона" ўртасидаги шартнома 2024 йилгача мўлжалланган.

Шу билан бирга, Алемани "Барселона" президенти Жоан Лапортани ёзги трансфер ойнасининг бутун даври давомида клуб билан бирга боришига ишонтирди.

Шу сабабли, расмий кетишга қарамай, норасмий келишувга кўра, Алемани жамоанинг трансфер масалалари бўйича ўз вазифаларини бажаради ва барча операцияларни, ҳатто улар трансфер бозорининг энг сўнгги дақиқаларида содир бўлган тақдирда ҳам амалга оширади.

"Барселона" Ла Лиганинг жорий мавсумида 33 турдан кейин 86 очко билан пешқадамлик қилмоқда.