Маълумки, яқинда “Андижон” жамоаси Фарғонада “Нефтчи”га қарши назорат учрашувида иштирок этди.
Ушбу беллашувнинг иккинчи бўлимида майдонга тушган жамоа сардори Илдар Маматказин тўп учун курашларнинг бирида юз қисмидан жароҳат олди. Амалга оширилган тиббий текширувлар натижасида футболчимизга жарроҳлик амалиёти зарур эканлиги аниқланди.
"Жамоамиз шифокорининг маълум қилишича, юз қисми соҳасининг ўнг яноқ суягининг ичкарига ботиб синиши билан ташхис қўйилди ва Андижон вилояти “Соғлом Авлод” хусусий шифохонасида юз жарроҳлик бўлимида 2 май куни операция амалиёти ўтказилди.
Шуни алоҳида таъкидлаш лозимки, операция муваффақиятли ўтди. Ҳозирда футболчимизнинг ҳолати яхши.
Бу борада Маматказин шундай деди: “Худога шукр, операция кўнгилдагидек ўтди, ўзимни яхши ҳис қиляпман. Шу кунларда шифохонадан чиқаман. Мени қўллаб-қувватлаган барчага миннатдорчилигимни билдираман” - дейилади "Андижон" клубининг матбуот хизмати томонидан берилган баёнотда.
